Eglu ferð !

Þann 9.nóvember fórum við í 6.bekk í  ferð til að sjá hvar Egill Skallagrímsson ólst upp, svo að við gætum betur skilið bókina sem við erum að lesa.Við byrjuðum á því að fara í Landnámssetrið á sýningu sem heitir Egils sýning. Í sýningunni voru litlar útskornar tréstyttur til að útskýra söguna, það voru líka stórar styttur og styttur af dýrum. Í lok sýningarinnar voru beinagrindur í gólfinu. Þá skoðuðum við  Brákarsund, þar sem talið er að Skalla grímur hafi kastað steini í fóstru Egils sem var á flótta undan honum. Eftir það var farið að haug Skallagríms þar sem Egill hafði látið grafa hann svo að hann gæti séð staðinn þar sem hann hafði valdið dauða Brákar. Þegar því var lokið fórum við á bæ Skallagríms og Egils en hann er á Borg á Mýrum en þar var stytta sem var reist um ljóð sem Egil samdi þegar hann var búinn að missa báða syni sína. Þá fóru flestir krakkarnir upp á fjall þar var líka kirkja. Svo fórum við á heimaslóðir Snorra Sturluson í Reykholt en það er talið að hann hafi samið Eglu.Þar sáum við Snorralaug og hún var ekki nærri því jafn heit og heitir pottar í dag. Maðurinn sem sýndi okkur staðina heitir séra Geir Waage og hann sýndi okkur styttu af Snorra og ýmislegt fleira. En svo var haldið heim eftir vel heppnaða ferð.